April 22, 2026
У гасцёх у перадачы «Гаворыць Смаленск» на радыё «Свабодны Смаленск» гэтым разам пабывала даследчыца беларусаў Падляшша з каранямі са Смаленшчыны Вольга Сямашка.
У гутарцы з вядучым Вадзімам Сідаравым яны абмеркавалі:
што даследчыца Вольга Сямашка, якая працуе на Беларускім радыё «Рацыя», - гэта не журналістка Вольга Сямашка, якая працавала на Белсаце;
як госця даведалася пра свае смаленскія карані, адчула сваю сувязь з радзімай бацькі і што для яе значыць беларуская Смаленшчына;
як Вольга Сямашка зацікавілася беларусамі Падляшша;
яе даследаванне беларускіх могілак Падляшша;
суадносіны беларусаў і палякаў на Падляшшы;
разнастайнасць беларускіх гаворак на Падляшшы;
ролю праваслаўя і царквы для беларусаў Падляшша;
адрозненне этналінгвістычнай сітуацыі ў Падляшшы і на Смаленшчыне;
складаныя дачыненні паміж праваслаўнай свядомасцю беларусаў Падляшша і ўніяцкім зместам мэйнстрыму беларускай нацыянальнай свядомасці;
знікненне беларускіх гаворак на Віленшчыне;
стаўленне Польскае дзяржавы да беларускай меншасці;
суадносіны паміж «старымі» і «новымі беларусамі» Польшчы;
неабходнасць палітыкі будучай беларускай нацыянальнай дзяржавы ў дачыненні да беларускіх kresаў, а таксама аналага «карты паляка» для беларусаў замежжа;
ролю будучай Смаленшчыны ў будучым беларускім свеце.
Comments(0)